Երկու տարի առաջ Արամեն երկրպագուների հետ նշեց  "կյանքի 27-րդ առավոտը”` ծննդյան 27-ամյակը, որն իր համար նշանավորվեց երևանյան առաջին` "Իմ կյանքի 27-րդ առավոտը”  խորագիրը կրող մենահամերգով:

Երգիչն իր կյանքի 29-րդ տարվա առաջին առավոտը ևս  դիմավորել  ու անցկացրել է  երկրպագուների, սիրելի մարդկանց ու գործընկերների հետ` այս անգամ ունենալով տեսահոլովակի և  ձայնասկավառակի պրեմիերա-շնորհանդես, ինչն իր երկու տարվա աշխատանքի արդյունքն է:

Երգիչն իր նոր ձայնասկավառակն անվանել է "Իմ միակ սիրելի”: Արամեն դարձավ 29-ը տարեկան հոկտեմբերի 10-ին: Վաղ առավոտից երկրպագուների կողմից տարբեր նվերներ ու շնորհավորանքներ ստանալուց հետո երգիչը շտապել էր լրագրողների հետ հանդիպման`խոսելու օրվա ծրագրերի, նոյեմբերի 8-ին սպասվող մենահամերգի ու "Իմ միակ սիրելի”-ի մասին, ինչի հարցում երգչին օգնեց տեսահոլովակի ռեժիսոր Հրանտ Մովսիսյանը: Առաջարկում ենք դիտել Արամեի նոր տեսահոլովակը ստորև: